Psalm 139:1-6, 13-18_15 Januarie 2012_
Tweede Sondag van die Epifanie
Dié skeppingsproses is 'n wonderdaad van God waarvoor Hy geloof moet word en waaroor die mens net verbaas kan staan. 

Wat God vir die bidder doen, oorweldig hom.  Hoe dieper hy delf in die wonderdade van God, hoe meer besef hy die omvang daarvan en hoe nader bring dit hom aan die Here.  Hy kan egter nie die Here begryp nie.  Die Here se gedagtes is trouens soos die sand van die see – ontelbaar. 

Lewe is God se geskenk aan my en jou, hoe ons lewe is ons geskenk aan God.

Matteus 21:23-31_25 September 2011_Veertiende Sondag in Koninkrykstyd
Om die vader se wil te doen is 'n belangrike tema in Matteus.  Geloof moet lei tot 'n lewe in lyn met God se wil.
”Nie elkeen wat vir My sê: ‘Here, Here,’ sal in die koninkryk van die hemel ingaan nie, maar net hy wat die wil doen van my Vader wat in die hemel is.
Gehoorsaamheid is meer as praat-dis doen wat God van jou vra!!!
Daarom om reg te luister na God het altyd die regte optrede tot gevolg.